Nonna Maria
Nonna Maria, ju criu chi mpaci
ora riposa l’armuzza to santa.
Passasti scausa ndenni ardenti
braci
pirchì la fidi to fu vera e tanta.
Tu travagghiasti sempri a tutti l’uri
e non putisti mai aviri abbentu,
però seguisti l’ormi du Signuri,
perciò non canuscisti smarrimentu.
Tutta la vita to fu religioni,
dicevi: - figghiu, non ti pigghiari i
scantu:
u beni, non u mali, ha supravventu!
- U scuru da nuttata? Javi a passari.
- La vita, forsi, è na gran latruna,
ma tu cunfida ‘nDiu ca non bannuna!
- Addenta forti l’ossu e non muddari
si vo a spiranza to fari avvirari.
Nonna Maria, ju criu chi mpaci
ora riposa l’armuzza to santa.
Passasti scausa ndenni ardenti braci
pirchì la fidi to fu vera e tanta.
Ju tegnu ancora a menti i to paroli,
spissu ripensu lu to nsignamentu,
ma - tu cunfidu – non sugnu, no,
cuntentu
pirch’ju non seppi trarni giuvamentu.
gennaio 1991