Malu
maritu
Cumpari, chi si dici, comu si’?
- Iu bonu, grazie a Diu, e tu chi di’?
- E c’aiu a diri… semu cca… a dritta,
tintu sapuri avemu dinta a vucca:
ghiuttennu feli… comu latti i vacca.
- Cumpari, sona amaru lu to diri !
E propriu non c’afazzu a nduvinari:
passaru deci misi, e pari ajeri,
ca la to figghia si spusò all’altari
e di dda ranni toi cuntintizza
quantavi ‘n ti nni resta nudda brizza ?
- Eh… propriu pi dda figghia sugnu ‘ncuetu!
Si tratta... ca pigghiò ‘n malu maritu.
- Ah quantu mi dispiaci, svinturatu,
ma, siddu ca non sugnu ‘n pò ndiscretu,
to jenniru di chi eni accusatu…
s’mbriaca, joca opuru è sfacinnatu ?
- Nenti di tutto ciò. Eni… curnutu!
10 ottobre 1976