Alla Sicilia
(Contru li mafiusi)
O terra bedda mia
quantu si duci:
cca nasceru i me nanni,
patri e matri,
cca visti di lu jornu
a prima luci,
cca fici i primi passi
cu me patri,
cca ni strinceru o
pettu li nutrici,
cca mangiammu lu pani
i nostra matri.
Pirchissu grida “jo t’amu”
la me vuci.
Puru di tuttu u munnu
ntra la chiazza
si dici mali di la
terra mia,
pi curpa di na vili e
mala razza
ch’è peju di na tinta
malatia.
S’jo n’cuntrassi unu
ntra la chiazza,
- fermiti – ci dicissi
– dicu a tia,
si tu si veru omu e
non si fezza
pirchì nfangasti la
terra natia?
Mai, godiri po’ la to
ricchizza
sennu ca Diu u tintu
lu castja.